Oʻzbekiston Superligasi 3-tur yakunlandi. 4-tur qachon oʻtkaziladi?

Kecha, 15-mart kuni Oʻzbekiston Superligasining joriy mavsum 3-tur oʻyinlariga yakun yasaldi.

Ushbu turda ikkita yirik hisob qayd etildi. Har ikkalasida Toshkent jamoalari oʻz maydonlarida uch toʻp farqi bilan gʻalaba qozonishdi.

Eʼtiborlisi, Mirjalol Qosimov bosh murabbiyligidagi AGMK jamoasi oʻzining dastlabki gʻalabasini qoʻlga kiritdi. Olmaliqliklar oʻz maydonlarida Vadim Abramov boshqarayotgan “Bunyodkor” klubidan 2:0 hisobida ustun kelishdi. Ushbu magʻlubiyat “qaldirgʻochlar”ning ilk magʻlubiyati sifatida qayd etildi.

Hozirgacha chempionat doirasida “Paxtakor” va “Nasaf” jamoalari ochko yoʻqotishmayapti. Eʼtiborlisi qarshiliklar ikki gʻalabasini safardagi oʻyinlarda qoʻlga kiritdi. “Sherlar” esa har uchala bahsini oʻz maydonlarida oʻtkazishdi.

Muhsin Muhammadiyev bosh murabbiyligidagi “Buxoro” jamoasi hozircha birorta ochko qoʻlga kirita olmagan yagona klub boʻlib turibdi. Shuningdek, “Soʻgʻdiyona”, “Andijon” va “Qizilqum” jamoalari birorta ham gʻalaba qozona olishmagan.

“Lokomotiv” – “Buxoro” 3:0;
“Andijon” – “Navbahor” 0:0;
“Paxtakor” – “Metallurg” 4:1;
“Mashʼal” – “Qizilqum” 1:1;
“Qoʻqon-1912” – “Soʻgʻdiyona” 2:1;
AGMK – “Bunyodkor” 2:0;
“Surxon” – “Nasaf” 1:2.

Xabaringiz bor, PFL taqvimiga koʻra Superliganing 4-tur oʻyinlariga 19-mart kuni start berilishi kerak edi. Ammo, mamlakatimizda koronavirus alomatlari mavjud boʻlgan shaxslar aniqlangani bois Hukumatimiz tomonidan 16-martdan boshlab yurtimizda oʻtkazilishi rejalashtirilgan barcha tadbirlar bekor qilindi.

Shu boisdan, barcha futbol musobaqalari ham qoldirildi. Shuningdek, 15-mart kuni OʻFA birinchi vitse-prezidenti Ravshan Ermatov ham futbol boʻyicha oʻtkaziladigan har qanday uchrashuvlarning bekor qilinishi boʻyicha topshiriq berdi. Shu sababdan Superliga oʻyinlari ham nomaʼlum muddatga qoldirildi.

Jismoniy tarbiya va sport vazirligi
Matbuot xizmati

Saytning oxirgi yangilanishi:
30.10.2020 | 00:28
Onlayn maslahatchi
Давлат тили масаласи бўйича маслаҳатчига мурожаат

Biz bilan bog'lanish

  • "Ishonch telefoni" raqami:
  • "Yagona telefon" raqami:
  • Ish kunlari (shanba va yakshanbadan tashqari) 9:00 dan 18:00 gacha (tushlik 13:00 dan 14:00 gacha)
  • "Ishonch telefoni" orqali murojaatlarni ko'rib chiqish yo'riqnomasi.
  • "Yagona telefon" orqali murojaatlarni ko'rib chiqish yo'riqnomasi.
  • Yuridik manzil: O‘zbekiston, Toshkent shahar, Abdulla Qodiriy 2-uy
  • E-mail: info@goskomsport.uz
  • Telefon:
  • Faks:
  • Mo'ljal: Oloy bozori
  • Transportlar:
    • Avtobuslar: 85,51
    • Marshrut taksilar: 17, 62, 95, 152, 153, 169